ლოს-ანჯელესში მუსიკალურ პრემია "გრემის" დაჯილდოვების 54-ე ცერემონია გაიმართა. ცერემონიის ტრიუმფატორი ბრიტანელი მომღერალი ადელი გახდა - მან ექვს ნომინაციაში გაიმარჯვა. ამასთან, ხმის იოგებზე ჩატარებული ოპერაციის შემდეგ მომღერალმა პირველად შეასრულა თავისი ცნობილი ჰიტი "Rolling in the deep", რომლის წყალობითაც ოთხგზის გახდა "ოქროს გრამაფონის" მფლობელი. დარბაზი ფეხზე წამოდგომითა და ხანგრძლივი ოვაციით შეეგება ახალგაზრდა მომღერლის დაბრუნებას ამერიკის ხმის ჩამწერმა აკადემიამ კომოზიცია Rolling In The Deep საუკეთესო სიმღერად (Song Of The Year) და წლის საუკეთესო ჩანაწერად (Record Of The Year) აღიარა, 23 წლის ბრიტანელის ალბომი "21" კი - წლის საუკეთესო ალბომად (Album Of The Year). 2011 წლის ნოემბრის შემდეგ ადელისთვის "გრემის" ცერემონიაზე დასწრება ფართო აუდიტორიის წინაშე პირველი გამოსვლა იყო - ხმის იოგებზე გადატანილი ოპერაციის შემდეგ მომღერალი იძულებული გახდა, მუსიკალური საქმიანობა შეეწყვიტა.
ლოგინი: სტუმარი
