ძლიერი, სერიოზული და ჭკვიანი ქალია. სამსახურში ლიდერის ან ხელმძღვანელის თანამდებობა უკავია.მიზანსწრაფულია: ტაქტიკოსი და სტრატეგოსი – უმრავლეს შემთხვევაში აღწევს იმას, რასაც ესწრაფვის. ბევრი მათგანი ღრმად განიცდის პატარა წარუმატებლობასაც. ახასიათებს ასანთივით უცებ აალება და ასევე სწრაფად დამშვიდება. მუქთმიანებს სხვებზე მეტად აინტერესებთ ფსიქოლოგია, განსაკუთრებით კი – ფსიქიატრია.
საუკეთესოდ ერკვევა პოლიტიკაში. ყველაზე რთულ პროექტებსაც კი დამოუკიდებლად ახორციელებს. მკაცრად და გემოვნებით აცვია. უყვარს შავი, თეთრი და წითელი ფერები.

თეთრი პირსახის, შავთმიანი ქალი კარგი დიასახლისი და მეოჯახეა. ამ ტიპის ქალის თვითდამკვიდრების ერთ-ერთი ყველაზე საყვარელი ხერხი მამაკაცთა გულების მსხვრევაა. სიყვარულისთვის მსხვერპლის გაღება შეუძლია, მაგრამ ქორწინებას არ ჩქარობს.

საინტერესოა, რომ მამაკაცები ოცნებობენ ქერებზე, მაგრამ ცოლად შავგვრემანი ქალები მოჰყავთ. ერთი გამოკვლევის შედეგად მიღებული მონაცემების მიხედვით, მილიარდერების ცოლების 70% შავგვრემანია და მხოლოდ 22%-ი – ქერა.

წითური (ანუ რიჟა)

ჯიუტი და თავმოყვარეა. უყვარს სარკასტული გამონათქვამები. მისდევს სპორტს და საკუთარი უპირატესობის დასამტკიცებლად ზოგჯერ მამაკაცებსაც კი ეჯიბრება. ნებისმიერ საქმიანობაში ლიდერის თვისებებს ავლენს. წითურები ფეთქებადი ტემპერამენტით ხასიათდებიან, ემოციურები არიან და ხანდახან არათანმიმდევრულებიც. არ უყვართ, როცა ვინმე ზეწოლას ახდენს მათზე და ძნელად ურიგდებიან ნებისმიერი სახის პირობითობას, ურჩევნიათ ორიგინალურები იყვნენ. ავტორიტეტებს დიდად არ აღიარებენ, მათთვის მნიშვნელოვანი ერთადერთი ადამიანის აზრია და ის ერთადერთი ადამიანი თავადვე არიან. ძნელად ეთვისებიან კოლექტივს. გამოირჩევიან სპონტანურობით.თუ წითურთმიანს ოთხკუთხედი სახის ფორმა აქვს, საუკეთესო მძღოლი და თანამშრომელია. შრომისმოყვარეა და წარმატებებს ნებისმიერ სფეროში აღწევს. რაც შეეხება ოვალური სახის ფორმის მქონეს, ის მეოცნებეა. ასეთი სახე პოეზიის მოყვარულ ქალს აქვს, ლექსებს თავადაც წერს. ხშირად რისკავს და დაუფიქრებლად მოქმედებს. წითურთმიანებს უყვართ ცხოველები (განსაკუთრებით ცხენები და ძაღლები) და ფრინველები. ფერებიდან უპირატესობას ცისფერს, ფორთოხლისფერს, მწვანესა და შავს ანიჭებენ.

წაბლისფერთმიანი

მხიარული და ნიჭიერი ქალია. ნაზი, ”მყუდრო”, თითქოს სითბოს ასხივებსო. მათ უმრავლესობას საკმაოდ გაწონასწორებული და მშვიდი ხასიათი აქვს. უყვარს მოგზაურობა, ზედმეტად კომუნიკაბელურია და მეგობრებს ადვილად იძენს. მასთან მათთან არაა საჭირო დიდხანს და მტანჯველად შესაფერისი სასაუბრო თემის რჩევა. არ უყვარს საკუთარ გრძნობებზე ლაპარაკი.მისი ხასიათის ძლიერი მხარეა სტრესგამძლეობაც. ”მშვიდობიან” დროს, მონოტონური, რუტინული სამუშაო სწყინდება და ძნელად იტანს. ყველაფერს სწრაფად ითვისებს. შრომისმოყვარეა და ლოგიკური აზროვნების უნარი აქვს. ზრუნავს ჯანმრთელობაზე, ვარჯიშობს და დიეტას იცავს. მუქთვალება, წაბლისფერთმიან ქალს ტექნიკური საგნები და პროფესია იზიდავს, ცისფერთვალებას – ჰუმანიტარული.